ما كان وصيه من الشمس تطلع بدون ما يشوفا هو
لا يرسم الفرح المزغرد نشوه في عينين اخو
كان احتضار الاكسجين في طبقة احساسنا التنادي علي البهو
اصبحت وين يا الدخري رملت الدروب
كفكفت عرق اللهفه لي فرحك فساب الحته جازاك بالهروب
وين دنك النادي الطروب
كنت النياشين المرصعه صدر وادي الضحكه والميس والقلوب
كنت الغمامات البتبكي قفا الارض تمسح من الشط الكروب
كنت العناوين المزركشه دهشه بالحنيه والخرز الدؤوب
كنت المواويل التبل ريق الاحاسيس والثقوب
ما كان تفوت قبل احتشاد الرؤيا في خطك يبيت
ما كان تفوت قبل الليالي الرايقه تحلمبك قريت
ما كان تفوت وانا في رجاك شايلي عود فردة سفجه وحسكنيت
يا زول ولا بشبه خطانا على السكك ما بينو والناس ما شخيت
بينو وخيار اصدقنا ريد بعد التجرد من ذوات الحلم في العصب المميت
وانا بشكي شوكات الضياع الخصمت وجداني اصلا كان توح لو هبشت ذرات مسامك لسعة والهم في السبيط
خليت قوافل المنيه تتثاءب انين بعد الحنين بي وراك هداها القنيت
خليتنا قبل الاحتمال تنشر قدرتو علي الأمل
خليتنا دون ما تسيبنا نستدرك تفاصيل الحصل
خليتنا ليه
مش كان تقول انك علي عجلة مسافاتك مسدر وجهتك في اللوحه قبال ما تصل
مش كان توري البال مواقيت الوداع كان بالاقل ساي اتصل
سطرت فينا هواك سنين والليله ماشي بلا خجل
صيوان عزاك جوانا ما بسدل ستارو لحين لقاك لحقنا ليك ما شينا منك ساي تفوت وتسيبنا للحلك الفضل
يا زول كماك زي أنتماك لي ليك وبس
صوت من رنين الذكرى للنور والقبس
ما بقفل الطاقه التدخل لي رقاريق الصباح نور بسمتك ما بطفي نور شمعة هواك جواي جرس
دونك كسيح
دونك قبييح
دونك جريح
تب ما نصيح
مفتاح اماني المهجه والروح والنفس
يتمت شطر القيف لبس لون السواد الموج ونيل الليل هضم شوف ابتهاجاتو العسس
مين اللي غيرك كان بشد من ساعد الآيام بشارات السعف
مين الكبت في جوف رحم حمى الشوراع صقطة الرح والشغف
مين ادى بت الواطة توب غيرك تزينبو الشرف
مين طررق الحس بالحنين كباهو في البال بي ترف
وانا ما بكيتك بالدموع مايق فؤادي عليك نزف
كاس المساحات التجيك وصا الفراغات بالغرف
غفل عيونو بأنت حي
ياخ أنت حي
والله حي
حي في القلوب التحتويك عزه ومعزه ومهرجان
حي في الرفوف الشلت من عاتق ضهورا الهم زمان
حي في الشوارع في الزقاقات الترارق في الآراييف الحنان
حي فيني كلك ما بتموت صوتك ضحك هزلك قعادك رشفة الشاي والحكاوي السقنا سيرتا حينا كان
همك علي انك تشوف ود الفرح بجري وبنطط فيني متناسي الزمان
برجع بقول زمنك علي هو الكان مدان
عجل بدون ما يهش فتاتات الطيور من وش ثمار البرتكان
سامعني ولك ما معاي
رغم اني متآكد بأنك انو انت الياك بتسمع ضجة الآمي وبكاي
اسمع بوصيك كان مشيت احسب سنين اللقيا لي بعضينا جاي
احجزلي جنبك بيت سعف شرطا يكون بيناتنا بينو فرت صريف بنتمو ريد بشويش نجرتقبو الأمل حنة بهاك جم خيط وفاي
كلم اهل بلدك بآنك ما براك جاييك اخوك واشرح لهم زي ماني قلت ان انت لسع في رجاي
وسع علاقاتك هناك اصلك مربى وود رجال حبوب ورايق ماها ساي
ارجوك تقدر بوح رجاي
جواي ما كمل النضم لكنو حرق قيف غناي
ارقد موسد بالنعم يا خلي يا مرواد عماي
لا يرسم الفرح المزغرد نشوه في عينين اخو
كان احتضار الاكسجين في طبقة احساسنا التنادي علي البهو
اصبحت وين يا الدخري رملت الدروب
كفكفت عرق اللهفه لي فرحك فساب الحته جازاك بالهروب
وين دنك النادي الطروب
كنت النياشين المرصعه صدر وادي الضحكه والميس والقلوب
كنت الغمامات البتبكي قفا الارض تمسح من الشط الكروب
كنت العناوين المزركشه دهشه بالحنيه والخرز الدؤوب
كنت المواويل التبل ريق الاحاسيس والثقوب
ما كان تفوت قبل احتشاد الرؤيا في خطك يبيت
ما كان تفوت قبل الليالي الرايقه تحلمبك قريت
ما كان تفوت وانا في رجاك شايلي عود فردة سفجه وحسكنيت
يا زول ولا بشبه خطانا على السكك ما بينو والناس ما شخيت
بينو وخيار اصدقنا ريد بعد التجرد من ذوات الحلم في العصب المميت
وانا بشكي شوكات الضياع الخصمت وجداني اصلا كان توح لو هبشت ذرات مسامك لسعة والهم في السبيط
خليت قوافل المنيه تتثاءب انين بعد الحنين بي وراك هداها القنيت
خليتنا قبل الاحتمال تنشر قدرتو علي الأمل
خليتنا دون ما تسيبنا نستدرك تفاصيل الحصل
خليتنا ليه
مش كان تقول انك علي عجلة مسافاتك مسدر وجهتك في اللوحه قبال ما تصل
مش كان توري البال مواقيت الوداع كان بالاقل ساي اتصل
سطرت فينا هواك سنين والليله ماشي بلا خجل
صيوان عزاك جوانا ما بسدل ستارو لحين لقاك لحقنا ليك ما شينا منك ساي تفوت وتسيبنا للحلك الفضل
يا زول كماك زي أنتماك لي ليك وبس
صوت من رنين الذكرى للنور والقبس
ما بقفل الطاقه التدخل لي رقاريق الصباح نور بسمتك ما بطفي نور شمعة هواك جواي جرس
دونك كسيح
دونك قبييح
دونك جريح
تب ما نصيح
مفتاح اماني المهجه والروح والنفس
يتمت شطر القيف لبس لون السواد الموج ونيل الليل هضم شوف ابتهاجاتو العسس
مين اللي غيرك كان بشد من ساعد الآيام بشارات السعف
مين الكبت في جوف رحم حمى الشوراع صقطة الرح والشغف
مين ادى بت الواطة توب غيرك تزينبو الشرف
مين طررق الحس بالحنين كباهو في البال بي ترف
وانا ما بكيتك بالدموع مايق فؤادي عليك نزف
كاس المساحات التجيك وصا الفراغات بالغرف
غفل عيونو بأنت حي
ياخ أنت حي
والله حي
حي في القلوب التحتويك عزه ومعزه ومهرجان
حي في الرفوف الشلت من عاتق ضهورا الهم زمان
حي في الشوارع في الزقاقات الترارق في الآراييف الحنان
حي فيني كلك ما بتموت صوتك ضحك هزلك قعادك رشفة الشاي والحكاوي السقنا سيرتا حينا كان
همك علي انك تشوف ود الفرح بجري وبنطط فيني متناسي الزمان
برجع بقول زمنك علي هو الكان مدان
عجل بدون ما يهش فتاتات الطيور من وش ثمار البرتكان
سامعني ولك ما معاي
رغم اني متآكد بأنك انو انت الياك بتسمع ضجة الآمي وبكاي
اسمع بوصيك كان مشيت احسب سنين اللقيا لي بعضينا جاي
احجزلي جنبك بيت سعف شرطا يكون بيناتنا بينو فرت صريف بنتمو ريد بشويش نجرتقبو الأمل حنة بهاك جم خيط وفاي
كلم اهل بلدك بآنك ما براك جاييك اخوك واشرح لهم زي ماني قلت ان انت لسع في رجاي
وسع علاقاتك هناك اصلك مربى وود رجال حبوب ورايق ماها ساي
ارجوك تقدر بوح رجاي
جواي ما كمل النضم لكنو حرق قيف غناي
ارقد موسد بالنعم يا خلي يا مرواد عماي