الليل أتقسم
الليل أتقسم .... والروح كمان مقسومه
وين دار الحبيب ..دارو البكينا رسوما
كم زولا غريب .... شايل أماني ظلومه
صادقه وما بتخيب .. بس بالجراح مختومه
لحن الحب نحيب ... أم القوافي رؤوومه
يا الدرب الرهيب .... وين أرضك المعصومه
...
وكنتي براك .. تتاوقي علي الرمال والنيل
وباقي نخيل ...
ووش الدنيا ببكي معاك ...
وطالع في العصاري أصيل
ياوجع الغنا اللولاك مابكت القوافي رحيل
ولا ضارانا من ألم المسافه وطن
مسافاتك قطعتها خوف
وزمنك شلتو نوح وشجن ..
فيا معصوومه
في الدار البكينا رسوما ...
كانت وجهتك معلومه ..
شقيتي الفيافي رحيل ... وشلتي من الفيافي محن
سكبتي الليل وما تعب النضال جواك ولا تعبت حوافر الخيل
والسكه الملانه هلاك .. تكتنا علي غصن من حيل
وحيلنا المات ... بكينا علي ترابو زمن
كان صبر الرحيل معدوم ...
طلع قدّامنا أشنى وداع
طلع وش الأسى المذموم ...
علي وقعة حجر في القاع ... طلع صوت الألم مكتوم
وكانت بينا صور الدّهشه والليل القضينا معا ..
معا كنّا بنشيل اللّحظه في عز الألم والضيق
معا قطعنا حرف النور وكت جهر المعاني بريق
وكنّا مع الرحيل أخوان
كنّا أفاضل العشّاق ..
كنّا بنهزم الحرمان ونتلاقى ...
ونرسم من بقايا الخوف صور للفرحه خلّاقه ..
إذا كتر الألم في الجوف بتطلع دمعه براقه وتطفي مواقد الأشواق ..
نسجنا من المعاني الحلوه أرواح من قصايد باكيه ..
وأتناهى الشعر جوانا ...
وأحتجبت أماسي غنانا ..
شلنا من الحروف أحزانا ...
شلنا من المعاني أمانا ...
وأتّكينا في درب الصبر ..
جاثم علي صدر الجروح الحره ليل ..
مخلوق من مواجع مره
حيتو إنقسم حياني ...
شايل في السواد أحزاني ..
بيني وبينو أحلى أماني ...
إنو الشوق يبتّق تاني ..
من درب الأسى الجوّاني ....
نخلق حلمنا البرّاني ...
يا حلم إنقسم كم مره ..
ما لقيتك أقيف وألقاني ...
مانسيتك فكيف تنساني ..
في ليل إتقسم ...
في روح كمان مقسومه ..
يادار الحبيب ... دارو البكينا رسومه
يا الدرب الرهيب .. وين أرضك المعصومه
جهاد سلامه
الليل أتقسم .... والروح كمان مقسومه
وين دار الحبيب ..دارو البكينا رسوما
كم زولا غريب .... شايل أماني ظلومه
صادقه وما بتخيب .. بس بالجراح مختومه
لحن الحب نحيب ... أم القوافي رؤوومه
يا الدرب الرهيب .... وين أرضك المعصومه
...
وكنتي براك .. تتاوقي علي الرمال والنيل
وباقي نخيل ...
ووش الدنيا ببكي معاك ...
وطالع في العصاري أصيل
ياوجع الغنا اللولاك مابكت القوافي رحيل
ولا ضارانا من ألم المسافه وطن
مسافاتك قطعتها خوف
وزمنك شلتو نوح وشجن ..
فيا معصوومه
في الدار البكينا رسوما ...
كانت وجهتك معلومه ..
شقيتي الفيافي رحيل ... وشلتي من الفيافي محن
سكبتي الليل وما تعب النضال جواك ولا تعبت حوافر الخيل
والسكه الملانه هلاك .. تكتنا علي غصن من حيل
وحيلنا المات ... بكينا علي ترابو زمن
كان صبر الرحيل معدوم ...
طلع قدّامنا أشنى وداع
طلع وش الأسى المذموم ...
علي وقعة حجر في القاع ... طلع صوت الألم مكتوم
وكانت بينا صور الدّهشه والليل القضينا معا ..
معا كنّا بنشيل اللّحظه في عز الألم والضيق
معا قطعنا حرف النور وكت جهر المعاني بريق
وكنّا مع الرحيل أخوان
كنّا أفاضل العشّاق ..
كنّا بنهزم الحرمان ونتلاقى ...
ونرسم من بقايا الخوف صور للفرحه خلّاقه ..
إذا كتر الألم في الجوف بتطلع دمعه براقه وتطفي مواقد الأشواق ..
نسجنا من المعاني الحلوه أرواح من قصايد باكيه ..
وأتناهى الشعر جوانا ...
وأحتجبت أماسي غنانا ..
شلنا من الحروف أحزانا ...
شلنا من المعاني أمانا ...
وأتّكينا في درب الصبر ..
جاثم علي صدر الجروح الحره ليل ..
مخلوق من مواجع مره
حيتو إنقسم حياني ...
شايل في السواد أحزاني ..
بيني وبينو أحلى أماني ...
إنو الشوق يبتّق تاني ..
من درب الأسى الجوّاني ....
نخلق حلمنا البرّاني ...
يا حلم إنقسم كم مره ..
ما لقيتك أقيف وألقاني ...
مانسيتك فكيف تنساني ..
في ليل إتقسم ...
في روح كمان مقسومه ..
يادار الحبيب ... دارو البكينا رسومه
يا الدرب الرهيب .. وين أرضك المعصومه
جهاد سلامه