أنا ماطلبتك ياوطن
غير محبره
وقرطاس
وضحكه
وسن قلم
ولاني كلفتك كتير
لا بعت مجدك للصوص
ولا شحدتك كرسي
لا حتة وزاره
ولاني كلفتك كتير
لا بعت مجدك للصوص
ولا شحدتك كرسي
لا حتة وزاره
ولا سجم
وماني داير إحترامك
ما سألتك مملكه
ولا دخلت الغابه تيربتك لغم
مانزلت وجعك في فنادق الغير
وشلت عليك سلاح
ولا فاوضت في حبك رمم
ماشكيتك لي غريب
لا خنت عهدك
لا طردتك
لا تركتك في مهب الريح علم
كل الدرتو منك يابلد
وماني داير إحترامك
ما سألتك مملكه
ولا دخلت الغابه تيربتك لغم
مانزلت وجعك في فنادق الغير
وشلت عليك سلاح
ولا فاوضت في حبك رمم
ماشكيتك لي غريب
لا خنت عهدك
لا طردتك
لا تركتك في مهب الريح علم
كل الدرتو منك يابلد
صدى أغنيه
وإحساس
وبشيره
ونغم
قطعة كفن ،
قطعة كفن ،
طوب ود لحد
بيتين شعر ..
بيتين شعر ..
مخلايه
مرهم للألم
يا ضيق أوسع مايكون
يا واسع أضيق من حلم
يافاضي مننا يامستف بالعدم
يا مافي في كل المعالم والخرط
يا الجوه فيني رزم رزم ..
[/size]يا ضيق أوسع مايكون
يا واسع أضيق من حلم
يافاضي مننا يامستف بالعدم
يا مافي في كل المعالم والخرط
يا الجوه فيني رزم رزم ..