مجادعات في حضرة حِمِّيد
ود الخاويه :
جفني بلاك مساهر سُقده ابى الغُمِّيد
وأيامي المعـــاك بتلَمَدِن لُمّيـــــــــــد
يا الطينتك نقيــــه وما بتدور سُمّيــــد
كيـف أصبحت وأصبح كيف أبوك حُميـد ؟
معز عوض:
جراحــو الغوَّرت ما بِـودِرِن كمِّيـــــــد
والعيـــن بي وراو ما ضاقت الغُمّيـــد
بعد ما فات أبوي سيد الرجـال حُمــيد
الغنــا والبـــلاد ، إترمَّــــدن رمِّيـــــد
معاوية عبده:
ما بيوفيو وصف ان ضمّ جمله معاني
ومابننساهُ يــوم طـــــول ما حياتنا نعاني
حلال الكرب لـــحّاق للبعيد والــداني
انفرط العــــقد ويالله فكُّو لساني
معز عوض:
يا ناس النضم لو كان برجعو تاني
كان بهرِج دوام لامن أفقدو لساني
القدر الصعيب لملم جيوشو وجاني
عاد أنا شن أقول .. ما اتلخبطت أوزاني
ذوالنون أحمد نايل :
حميد يالمعز راجل ركيزة اوزانو
كلَّ فعالوا زينه باب الكرم عنوانو
مطمورة الكلام مابتكفي في ميزانو
تبقالوا الجنان ياربي عز أوطانو
معز عوض:
يا ذو النون رحـل سيــد النضِم والقافيــــــه
وأحلفلك وراو ما ضُقتَ طعم العافيـــــــــــه
في الزول المتِل لــون التخايا الصافيـــــــــه
حدْ ما أخت حروف ، ألقاها جَتْ مِي كافيــه
ذوالنون أحمد نايل :
الزول إن رحل ببقن فعايلو وراهو
وزولك مابعيد ، إن دُرتا تتلقاهو
عاين في النخيل في النيل بوانس ماهو
في عيون الصغار كف البلاد راسماهو
عثمان يحي :
حميد يا المعز فاتنا ورحل خلانا
ويا ذو النون وحاتك فقدو جد بكانا
حميد الوطن من غيرو شن يبقالنا
والوطن الكبير اصبح صغير سودانا
عبد الحميد الكاشف :
حميد البكفكف لي دموع ناس طيبه
يا الاديت الشعر الق وجمال وهيبه
حاشاك مابتفوت وان طالت علينا الغيبه
صامد للحق تقول من دون خوف او ريبه
معز عوض:
إنترم الوطن ... وبي فقدو بِتنا يتامى
حار بينا الدليل ما لقينا بعدو علامه
كُتْ ما نحد عليو وجَهرْتنا تبقى عتَامه ،
دمعاً في العيون داخرنو تاني علامَّ !!؟
24/2/2013
ود الخاويه :
جفني بلاك مساهر سُقده ابى الغُمِّيد
وأيامي المعـــاك بتلَمَدِن لُمّيـــــــــــد
يا الطينتك نقيــــه وما بتدور سُمّيــــد
كيـف أصبحت وأصبح كيف أبوك حُميـد ؟
معز عوض:
جراحــو الغوَّرت ما بِـودِرِن كمِّيـــــــد
والعيـــن بي وراو ما ضاقت الغُمّيـــد
بعد ما فات أبوي سيد الرجـال حُمــيد
الغنــا والبـــلاد ، إترمَّــــدن رمِّيـــــد
معاوية عبده:
ما بيوفيو وصف ان ضمّ جمله معاني
ومابننساهُ يــوم طـــــول ما حياتنا نعاني
حلال الكرب لـــحّاق للبعيد والــداني
انفرط العــــقد ويالله فكُّو لساني
معز عوض:
يا ناس النضم لو كان برجعو تاني
كان بهرِج دوام لامن أفقدو لساني
القدر الصعيب لملم جيوشو وجاني
عاد أنا شن أقول .. ما اتلخبطت أوزاني
ذوالنون أحمد نايل :
حميد يالمعز راجل ركيزة اوزانو
كلَّ فعالوا زينه باب الكرم عنوانو
مطمورة الكلام مابتكفي في ميزانو
تبقالوا الجنان ياربي عز أوطانو
معز عوض:
يا ذو النون رحـل سيــد النضِم والقافيــــــه
وأحلفلك وراو ما ضُقتَ طعم العافيـــــــــــه
في الزول المتِل لــون التخايا الصافيـــــــــه
حدْ ما أخت حروف ، ألقاها جَتْ مِي كافيــه
ذوالنون أحمد نايل :
الزول إن رحل ببقن فعايلو وراهو
وزولك مابعيد ، إن دُرتا تتلقاهو
عاين في النخيل في النيل بوانس ماهو
في عيون الصغار كف البلاد راسماهو
عثمان يحي :
حميد يا المعز فاتنا ورحل خلانا
ويا ذو النون وحاتك فقدو جد بكانا
حميد الوطن من غيرو شن يبقالنا
والوطن الكبير اصبح صغير سودانا
عبد الحميد الكاشف :
حميد البكفكف لي دموع ناس طيبه
يا الاديت الشعر الق وجمال وهيبه
حاشاك مابتفوت وان طالت علينا الغيبه
صامد للحق تقول من دون خوف او ريبه
معز عوض:
إنترم الوطن ... وبي فقدو بِتنا يتامى
حار بينا الدليل ما لقينا بعدو علامه
كُتْ ما نحد عليو وجَهرْتنا تبقى عتَامه ،
دمعاً في العيون داخرنو تاني علامَّ !!؟
24/2/2013