من لا حلل حلحلت ليل ماضيني بيك
وانا قلت انك منتحل شوف العواتم من نهاراتك عليك
كان ذنب صوت النور يشل صمت العواجيز البتسكن في مسام ضو الفوانيس تجتبيك
رتبت حبك بي الانين جواي مربت فيك اساطيرك حجيك
حاكل شقاواتك علي حيل الغنا كتف الحروف فترانا من جبد المسافات التجيك
ادخل من المرقك قصاد مطر الوبال
وقي الحقيقه القلمت ضفر الخيال
سرب من الشوف الضلال
فلتر عشم كبرك تعال
مش كان تقول انك على الكون ريس الحس واستحالة ضجة الصوت في حضورك واختلاسات في السؤآل
انا عارفو شوقك معتريك واحساس بناتل في اقتباسات العشم من خلف شباك المحال
بس صوت اناك متقيدك كتف هوامس بحة الضجة البتسكن في سفوح ارجاءنا مخنوقة حبال
شحتفت خيل الروح وراك جقلب مسا الشوق عبو مليان بالشجن شوشو شعاب شط الخدود واتوكا في الفك الشمال
لو منك الرايات بدت هبهيب ضفايره واتملت نبراتا من رئة الكمال
مشكوك علي حلق العشم غصه ومخنق قمرة الريد والدلال
دثرت همس الخوف علي ضجة مساي صنت نجومي بعد نشف حلقوما من كتر العويل
مختوفه سنارات سماي لو صادت الاشهب عوالم كائنات وجدك سكت من الهتاف غنيت مسامات الرعاف وضحكت لليل الطويل
عارفك مسكر وجهتك يا تصطفيك وحشة نداي او تقتفي الموج والرحيل
ارحل اذا طابت عيون القدره تتشاوف مسارب ضي نهاراتك مقيل
اخمش مسور من نونك الشالت حروف اسمك سعن واستعجلت خترت عديل
اقوالي من طرف اللسان البته ما قدر التفوت
وتسيب رنين صوتي بيهاتي علي ضفاف سمعك تجض تعكف على جللك تسمر دفتك تحوا السكوت
خلل التسامح فيني سابك تفخر بي عزتك عمدا بتجلد في الشوارع بالبيوت
حولت قبلت مقصدك لي ذات كيان الروح فتقت من الشعور دلقانو عريت الخيوت
يا وش بغير جلدة الشوق البتسكن بسمتو
يا منفا بي توب الوطن قسرا مدنقس حتتو
قول لي الشقوق الهضمت شح النقيطات من امل وحي الحنان العبا بالهم حقتو
انك مستفة بالشرار الحرك الغل في بطونك واحتواك في فجتو
واهو شوق تصاريف القدر قدر انتظارك ملتو
واهو واتلفحتي طرق شفتين غيماتك عنوه نهرت صفات النور واندحتي مرقت علينا ضلام من ضو
ضليت راجيك في حتة شلنا الشوق لي قبر الهم خميتو سراب احلامك صره تكيت اوجاعي وسقت الجو
راجيك بستآذن منفى خطاي والزمن الروح وحالا جاي الدين الشق لهات الكلمه وخلا يباس الروح للقو
وينو الختاك الهم فتاك الشوق فتاك الليل حتاك من ظن الريد والوجعه تسو
نقناق احلام البوح حتسوقك لو
ظنيت بآنك سيد وسادات السلالم لينا شكيت السفوح
لي طيف اسافير النهى اتيقنت ما داير تبوح
وسلخت من جلد الآلم بيتين تلاته وهم جموح
قدمتو للواقع امير فشيت طقاطيق الجروح
وحلبت من ضرع الشقاوه مذلتي آثرت للوح الوضوح
مخدوشه نبرات النصر جواي لاويت الجنون امنت ليل الدهشه روح
وبدون اسد عين الوداع لوحت لي النيل قبل يروح
وانا قلت انك منتحل شوف العواتم من نهاراتك عليك
كان ذنب صوت النور يشل صمت العواجيز البتسكن في مسام ضو الفوانيس تجتبيك
رتبت حبك بي الانين جواي مربت فيك اساطيرك حجيك
حاكل شقاواتك علي حيل الغنا كتف الحروف فترانا من جبد المسافات التجيك
ادخل من المرقك قصاد مطر الوبال
وقي الحقيقه القلمت ضفر الخيال
سرب من الشوف الضلال
فلتر عشم كبرك تعال
مش كان تقول انك على الكون ريس الحس واستحالة ضجة الصوت في حضورك واختلاسات في السؤآل
انا عارفو شوقك معتريك واحساس بناتل في اقتباسات العشم من خلف شباك المحال
بس صوت اناك متقيدك كتف هوامس بحة الضجة البتسكن في سفوح ارجاءنا مخنوقة حبال
شحتفت خيل الروح وراك جقلب مسا الشوق عبو مليان بالشجن شوشو شعاب شط الخدود واتوكا في الفك الشمال
لو منك الرايات بدت هبهيب ضفايره واتملت نبراتا من رئة الكمال
مشكوك علي حلق العشم غصه ومخنق قمرة الريد والدلال
دثرت همس الخوف علي ضجة مساي صنت نجومي بعد نشف حلقوما من كتر العويل
مختوفه سنارات سماي لو صادت الاشهب عوالم كائنات وجدك سكت من الهتاف غنيت مسامات الرعاف وضحكت لليل الطويل
عارفك مسكر وجهتك يا تصطفيك وحشة نداي او تقتفي الموج والرحيل
ارحل اذا طابت عيون القدره تتشاوف مسارب ضي نهاراتك مقيل
اخمش مسور من نونك الشالت حروف اسمك سعن واستعجلت خترت عديل
اقوالي من طرف اللسان البته ما قدر التفوت
وتسيب رنين صوتي بيهاتي علي ضفاف سمعك تجض تعكف على جللك تسمر دفتك تحوا السكوت
خلل التسامح فيني سابك تفخر بي عزتك عمدا بتجلد في الشوارع بالبيوت
حولت قبلت مقصدك لي ذات كيان الروح فتقت من الشعور دلقانو عريت الخيوت
يا وش بغير جلدة الشوق البتسكن بسمتو
يا منفا بي توب الوطن قسرا مدنقس حتتو
قول لي الشقوق الهضمت شح النقيطات من امل وحي الحنان العبا بالهم حقتو
انك مستفة بالشرار الحرك الغل في بطونك واحتواك في فجتو
واهو شوق تصاريف القدر قدر انتظارك ملتو
واهو واتلفحتي طرق شفتين غيماتك عنوه نهرت صفات النور واندحتي مرقت علينا ضلام من ضو
ضليت راجيك في حتة شلنا الشوق لي قبر الهم خميتو سراب احلامك صره تكيت اوجاعي وسقت الجو
راجيك بستآذن منفى خطاي والزمن الروح وحالا جاي الدين الشق لهات الكلمه وخلا يباس الروح للقو
وينو الختاك الهم فتاك الشوق فتاك الليل حتاك من ظن الريد والوجعه تسو
نقناق احلام البوح حتسوقك لو
ظنيت بآنك سيد وسادات السلالم لينا شكيت السفوح
لي طيف اسافير النهى اتيقنت ما داير تبوح
وسلخت من جلد الآلم بيتين تلاته وهم جموح
قدمتو للواقع امير فشيت طقاطيق الجروح
وحلبت من ضرع الشقاوه مذلتي آثرت للوح الوضوح
مخدوشه نبرات النصر جواي لاويت الجنون امنت ليل الدهشه روح
وبدون اسد عين الوداع لوحت لي النيل قبل يروح