آخر سطر
وردتني صفر اليدين
شكراً لكِ
شكراً حزين
شكراً
علي جرحك جواي
والشفتو من مغسة هواك
شكراً علي هذا الأنين
شكراً
علي دمعي الوقف في صفي
وكتين فُتي
ما خليتي لي
غير الأسف
والحسره
والدمع السخين
شكراً علي كل الحصل
شكراً خلاص
يابنيه هاك آخر سطر
هاك خلاصة حبي ليك
هاك الوصايه العشره
هاك
يا ظالمه آخر كلمتين
’ لو كل البفوتو حبيبو
في الآخر بجن بي وراهو ،
ما عاش في البسيطه نصيح
ولو في كل قصة ريد تموت
جوانا بنشل اليقين ،
كان إعتزلنا الريد عديل
في الدنيا ما كان في إحترام
ماكان في حب
ما كان في دين ’
يا خانقه فيني الأغنيات
وشارده من جرحي اللعين
ما ذنبي حبيتك براي
شان أبقي
بين جدران ضلاماتك سجين
يا بنيه ما كان بيدي شي
ما عندي ليك
غير الأسف
غير الدموع
غير وحة الجرح الدفين
شكراً خلاص
كل الحصل
يا بنيه ماتْسميهو ريد
يا بنيه ما تسميو حنين
أنسيني زي ما نسيت أنا
وكلفني نسيانك سنين
وأوعاك تفكري في هواي
أنا غايتو كافر
بي هواك
يا نهله لو كان ليا دين ....
1/1/2006م
وردتني صفر اليدين
شكراً لكِ
شكراً حزين
شكراً
علي جرحك جواي
والشفتو من مغسة هواك
شكراً علي هذا الأنين
شكراً
علي دمعي الوقف في صفي
وكتين فُتي
ما خليتي لي
غير الأسف
والحسره
والدمع السخين
شكراً علي كل الحصل
شكراً خلاص
يابنيه هاك آخر سطر
هاك خلاصة حبي ليك
هاك الوصايه العشره
هاك
يا ظالمه آخر كلمتين
’ لو كل البفوتو حبيبو
في الآخر بجن بي وراهو ،
ما عاش في البسيطه نصيح
ولو في كل قصة ريد تموت
جوانا بنشل اليقين ،
كان إعتزلنا الريد عديل
في الدنيا ما كان في إحترام
ماكان في حب
ما كان في دين ’
يا خانقه فيني الأغنيات
وشارده من جرحي اللعين
ما ذنبي حبيتك براي
شان أبقي
بين جدران ضلاماتك سجين
يا بنيه ما كان بيدي شي
ما عندي ليك
غير الأسف
غير الدموع
غير وحة الجرح الدفين
شكراً خلاص
كل الحصل
يا بنيه ماتْسميهو ريد
يا بنيه ما تسميو حنين
أنسيني زي ما نسيت أنا
وكلفني نسيانك سنين
وأوعاك تفكري في هواي
أنا غايتو كافر
بي هواك
يا نهله لو كان ليا دين ....
1/1/2006م