مسدار أبو السرة لليانكي
شعر : محمد طــه القدال
أماتي القبيل بي حنهن لجــنيشعر : محمد طــه القدال
كرفة وقلدة كيف شوق اللبن رجني
حزنا جاني ي ميع الصبـا يلجني
أطلع مني يا جلدي المنمل جنــي
وأطلــع مني يا حزناً بقى مكجني
خلينــي أبدا مسداري وأودي قفايا
لي دارا بقت مي داري
جيتا وجلدي بينو وبين عضامي الشحمة إلا تراني
شوال الكبس نفاخ جراريب الورم هــــدامي
فــي جلدي الورم قولني ولا صح الورم عضامي
سفريتك الفي النـية وماها الكانت محـــرية
خابــراك عريف ذم العربان ولا قيام الوردية
مالك؟ تريان ومندي كاس الكتـــان والهندي
قولك كيف ترجى البيشان ولا الغربة البي الذندي
بـرقا عبدللي الوزن يا طاش يا جاب المزن فرق
يا الضيــف الغضبان أم فرفيرات الحـــزن
وشن القعدة يا أبو السرة في ضل العمارة أم كمرة برة ؟
ضقنـــا الحنضل اليــــانكي وبلعنـــا المرة
كملــت كوتــة التمبــاك صقعنــا الجـــرة
وو كــت إتقفــلت شقــيش قبـل بي المـــرة
نرمــي أمـــرنا في بلــد المعــاني الحــرة
الشــم خوخت بردن ليــالي الحرة
والــبراق برق من منا جــاب القرة
شوف عيني الصقير بي جناحو كفت الفرة
تلقـــاها أم خدود الليلة مرقت بـــرة
تغلي مديدة الحلبة التسمن عطفها السمن المبستــر يانـكي
والويقود بعيرات الدخان في العين وي الفشفاش يسوي عمايلو
شـــن فايدة مديدة الحلبــة والويقود بشيلو اليـــانكي؟
يا أبــــو السرة قامـت من دخاخيــن العمى تلمع وشيها
كــان اليانكي مستنيها في مراية السجــم في الليل لقيتها
متـــل فريـــخ الطير مرق ود عينــها من ود عينــه
رجــــافة المزمل حمى جلت منو وقعت عندي صدرها بغلي
يا أبــــو السرة شفت اليانكي ي ود عينها شلتها للبحــر
يمكن يغسل عينا من اليانكي
فتنا الحجرة بالكتة وغطسنا مسافــــة
تبــــقى قدر مسالك الريدة ما لاقـانا
مـــن يغبانا في البحر الدر تحتــاني
ناس عارفاها ناس عارفاكا ناس عارفاني
ناديت القعوي والبلطي قرقور السمك وداني
لــــي دابي الخشش ودينا عمال الطمي
الصــــــارقيلا والقرموط وود الموية
فتنا عليها كانت نايمة عجال البحر حارساها
كانت نايمة بس حجرين وضل ســـاسوية
وعمال الطمي الصحونا لمو حصى البحر قسموه
يات من كـــان سبع مرات دابي الخشة قال :
أدوهـــــــــا في الجمرات تلات سبعات
قلنــــــا: أدوها في الجمرات تلات سبعات
مسكنا دربنا عمال الطمي الصحوها
خابرين الدروب مرقوبنا فوق مشرع
مسارب الضي لقينا الدنيا تترجانا
فوق القمري خوي صقير وعوي حدي
وعمال الطمي الصحونا لمو علي البعرف الصي
حصى القيزان دوابي الدارقة والسحلية
والناس التحت خابرين عمايل اليانكي
مرة معونا لي اللفاف ومرة دوانكي
شن معناهو جيبها إن كطان ملوهو بوانكي
صوتها مكتمو القربين سيوف وسوانكي
قولن لي الأخلو ديار ودمك فرهد في نارو
وغور في الأرض طاروا وصقرين ولاد الأرض ما طارو
ولحمي غطى بن عمي شو صار حالو يا أمي منديل العرض
في بيت الدين دمي ما يخلي دمي أمنا من دير ياسين
صرنا ي جزر التين عم نسقي بعض حب الزيتون
بدو يرجع للطين صابرا فوق الدورية صابرا
تحت الدورية يا حال الضد لحم الطفلين
نابت غصن الحريةجذري مو في شاتيلا
وما قال حالي يا ويلا حنا في الأرض
أرض فلسطين يا أمي هيلا هيلا
ويا أمي هيلا هيلا هيلا هيلا
وهيلا يا أبو السرة كج العين
تخبر الشينة من الزين تفرز الطاري
ومن الساري يا أبو السرة كج العين
ومدو صباعك السبابي وقول للغافي
هوي يازول هوي يا غافي يازول هوي
أرخي الغردة للعنافي شد القمري بالحوبابي
في مسدارنا شلنا نهارنا في إيدينا من ساسو البحر عقدين
مسكنا دربنا عمال الطمي الصحوها
خابرين الدروب مرقوبنا فوق مشرع
مسارب الضي لقينا الدنيا تترجانا
فوق القمري خوي صقير وعوي حدي
وكنا جماعة دابات الأرض والسايمة
وعوامة البحر والطير وحتى الغيمة
قصاصة الأتر فوق راسنا شايفة الدرب ضنيب اليانكي
قال القمري للضليلة : خليك صاحية زوغ اليانكي لا يودونا
قال الدابي : إن يغباها ما بيغباني
ولما الشم مودعة غاربة وصلت جملة
النار تعلق فوق عقال العرش
ولا خسانا بي هادي العروش الهربة
يا أبو السرة لا عقال مسكنا دربنا
عمال الطمي الصحونا خابرين الدرب
مرقوبنا من وادي الضلمة الكان عقب
ولمينا في باقي الجمع قاصين دريب اليانكي
سنور الغيب في الكنغو وصبرة من جنوب أمريكا
ومن كلهاري ديبا ضاري والتمساح وليد أمازون
ونمرا في النمور كمبودي وأم رخم الله مكسيكية
لم لميمنا والشمس البتوقد فوقنا
شد شديدنا لا تمثال ميشيل روقنا
عالم حر يدو عل وقنا لي يوم سوقنا
نبزق يهو في ود عينو جر واسوقنا
يا شمسا طلي طلي شاوري ع بيتي
دلي كيال الكيل ختياري مات ظلي
عم يحرس ظلي عادل ع خي ميلي
خي ما يحمل شيلي ماخف الشيل
تاني المرات ناطر رصاصي سيلي
عيني في الفيل ما ضله كلنا ندري مين ضله
يا ويل الويل نرمي الجمرات على المستشهد كلا