اكتب اسمك فيني وادخل
من حواجب البسمه بتحي الطريق الماشي فوق رمل السنين يا انت ادخل
من رحيح السم علي جلد السموم والساقيه فوق مطارنا تذبل
تارك البررك حشود الصوت ربط حبل المهابه معزتك سكن الشبش ساحه احتفاءك بالصباح
رججاف لهاتك لي الامل في ضل تجاويفك مباح
وخذ التراجيديا الشعر كتب الفلاسفه شتتت صور احتشادك مردغت وجدانك الكاوينو صاح
كملن بنات فهم الجنون هتكن شرف وعي النصاح
مالك مدودر مستهيم جنبك ضجيج الحته كاسيها النباح
ادخل صلاح
رغم انو ما قدرك تلوك ذمة صفاك تفتل من اشجانك شواهد لي قبر فرحك تخم من الدواهي زواده الفجر المتاح
وينو الفجر لو قرص شمس الدين مدسدسه في البطون
وينو الصباح لو كل خيط من نورو دسوهو الدغش لفوهو في مظروف هدايا وقدموهو رهينه لي الجاه والبنون
الصدق اسفل ما يكون
والكون علي سعة الضياق اشمل كيان من انو تحويهو العيون
مارقين نسيير زينة الشوق للمغارب قرصتنا الاحتقانات الذليله وفجرت في الشك براكين الظنون
وصمة تهذب للوجع مآموره طوعا باختيار احلامنا جنبك والمنون
آه يا سكون
آجرنا لي بنك المهانه شبح جديد شررفنا بيت اللوعه بي الطاعه وحلفنا البته ما فينا البخون
شردنا موج النيل مرق مقرنو اتلفت يمين شاف الخلايق مبهمة شاف الظروف تتلاوى في الحياء والموات طرف الحقيقة فرت الدقن والخوف جماهيرو بتسابق للسما
وانا ما اتحقنت من الحروف اللملمت في اللمة طابور اليقين خلوني بينك والبحر جدعونا في الجب من سنين
كبرو الدروب التدخلك من جوة لي براك ضنين
فتقو الأمل هبشو القلوب لكزونا بالوجع السنين
نهرونا بي حق العباد فطمونا من ضرع الحنين
رفعو الأصابع بالهتاف والكلمة ما فاتت طرف صوت الرنين
كتلوك
كتلوك بدون ما يشكو سكينة ضياك في عتمة الحلك الغبار
كتلوك وكنت الزيت على لنمبة نفاجات الممر فاصل على النور والستار
كتلوك وما عرفو التلاقي الفينا حي فارع قوام الريد جوانا عليك ايا باهل الوطن انوار
كتلوك وبردو غبن ذات الحال بدونك وما درو الضامينا وحت منو لهلاب اقوى نار
كتلوك وانت الكت أسد غاب الضريمة الفوقو أطول ساق كتلوك وانت الفينا عكام الهوايل للبعيد لحاق
غيم الحروف نفل فروض عادة هطولو علي الارض سقا الشقوق بي بحتك رقصت رزازات الامل في وش سباليق الغنا ونقط تطق طق طق تطق لي بور معاق
لسانا نقتات بي وفاك نورة وبنار المجدلية بنصطفيك
دسيت وصايات الوطن لي طيبة كان يوم تلتقيك
في بوح حواديس الملام
في نقطة النون والسلام
في طلقة فرتقت الحمام
في لمة لملمت المجانين المعاقين اللئام
دسيت حديسك غرة في غار الغنا الأشتر شرطت الشولة شيب القول شربت العز شمخت همام وسافرت
ملخت جوانا الحواس
وصلت صبر الزلة لي خط التماس
ومرقت مننا كت نبي خليت رسالتك فينا أمنت الوطن باقي الدميعات بقجة ديوانين شعر شوال من القول والحماس
ووطنك ولا حررك ضراع أحلامو لي الحرية خيت
مجلود عساكر واحترام ما لاقي شان يتاوا بيت
خمخم مسادير الحنين تورت عناقر تهرشو وتشرب نواقع دمو تجبرو يستميت
صاح يستميت
كان يستميت في كهفو يتحاوا الضلام
يبطشبو افواج الوطاويط يلتمس من ضو سواد الدهشة ادغال الكلام
وانا قدرة الشوق حيل ملاواة الغياب عن حلمي طمست المعالم في بكاي خلتني امرق لي القبور واتسللك من بين مناظير الشفوت بتسللك من بين مروقك لي الدخول بتخللك
انك كما سيرة علاقة الموية بي بت السرابة الفكفكت في العتمة باقي ضفيرة دساها الخجل
إنك مقدم لي اشارات الحدود رحم الفواصل ومستلذ بالخوف مرصرص في الرفوف باقي الدموع وحكاكه من همك فضل
هدام حواف سورك منصبه بينا والحريه والنار والامل
لايحتمل
انك تسافر في الرؤى وتسلخ عقاب شيط الشعور تتمطا في خيل السبل
دنقدنا ضوك للصباح مرق الدغش قربانو ممدود لي هبل
ماليني بيك والفاضي من دنك مستفو زاد علي رزمه غناوي وشيل سفر
شهلتك الروح والنفس فاصلت بيك حس التشاؤم يوم نفضت جراب قصيدي قصاد شذاك حييت مسام وجناتك الغزن كويعات الضحك في خدك الدابغو المطر
ياخ اكتب اسمك فينا بي حجم الخطر
خطط متاوقة الشعور لي الشارع الوسطاني فيك
الشارع الخاتف زمان حوت موسى لابد يخطفك رغم انو محجوز بين نبضنا ونبضك الشوك والعليك
وانا والغنيوات البضفرو فيك سواعد الزيف مرقنا نجرتقك منك وصوت دلوكه من رحم الهتاف تسقط عمامات النظام
تسقط كدايس الحله لو فيران سميات الفريق باسو البيوت ياخ عدمونا الريق طلع آخر شحيح من دنك المالي الفضى لي غول منصب فينا بي حد الحسام
بالخوف نقدم روسنا بي كل احترام
سير يا ملك قهرا بنهتف يا سلام
شفت الديار اتيتمت بي وراك كيف
نسم الحنان الفي طنابيرك ملوهو الخونه صيف
لا شاي بيعدل ضل مزاجنا ضهبنا ذاتو نسينا اصلا كان في كيف
قوم من رقادك ليله بس وضاحه راجياك بي الربيت
ختالك الشاي في التريميس المضفر بالجريد وانا والرفيق باكين حروفك بي القصيد
سلم مفادك للوطن رصرص مداميكك نشيد
وطن انتكا
فوقو الهتافات ما بكا
قطعولو باقي صوابع الاحساس مؤكد ما شكا
فيهو العرس بي هجتو عامل كما بيت البكا
من حواجب البسمه بتحي الطريق الماشي فوق رمل السنين يا انت ادخل
من رحيح السم علي جلد السموم والساقيه فوق مطارنا تذبل
تارك البررك حشود الصوت ربط حبل المهابه معزتك سكن الشبش ساحه احتفاءك بالصباح
رججاف لهاتك لي الامل في ضل تجاويفك مباح
وخذ التراجيديا الشعر كتب الفلاسفه شتتت صور احتشادك مردغت وجدانك الكاوينو صاح
كملن بنات فهم الجنون هتكن شرف وعي النصاح
مالك مدودر مستهيم جنبك ضجيج الحته كاسيها النباح
ادخل صلاح
رغم انو ما قدرك تلوك ذمة صفاك تفتل من اشجانك شواهد لي قبر فرحك تخم من الدواهي زواده الفجر المتاح
وينو الفجر لو قرص شمس الدين مدسدسه في البطون
وينو الصباح لو كل خيط من نورو دسوهو الدغش لفوهو في مظروف هدايا وقدموهو رهينه لي الجاه والبنون
الصدق اسفل ما يكون
والكون علي سعة الضياق اشمل كيان من انو تحويهو العيون
مارقين نسيير زينة الشوق للمغارب قرصتنا الاحتقانات الذليله وفجرت في الشك براكين الظنون
وصمة تهذب للوجع مآموره طوعا باختيار احلامنا جنبك والمنون
آه يا سكون
آجرنا لي بنك المهانه شبح جديد شررفنا بيت اللوعه بي الطاعه وحلفنا البته ما فينا البخون
شردنا موج النيل مرق مقرنو اتلفت يمين شاف الخلايق مبهمة شاف الظروف تتلاوى في الحياء والموات طرف الحقيقة فرت الدقن والخوف جماهيرو بتسابق للسما
وانا ما اتحقنت من الحروف اللملمت في اللمة طابور اليقين خلوني بينك والبحر جدعونا في الجب من سنين
كبرو الدروب التدخلك من جوة لي براك ضنين
فتقو الأمل هبشو القلوب لكزونا بالوجع السنين
نهرونا بي حق العباد فطمونا من ضرع الحنين
رفعو الأصابع بالهتاف والكلمة ما فاتت طرف صوت الرنين
كتلوك
كتلوك بدون ما يشكو سكينة ضياك في عتمة الحلك الغبار
كتلوك وكنت الزيت على لنمبة نفاجات الممر فاصل على النور والستار
كتلوك وما عرفو التلاقي الفينا حي فارع قوام الريد جوانا عليك ايا باهل الوطن انوار
كتلوك وبردو غبن ذات الحال بدونك وما درو الضامينا وحت منو لهلاب اقوى نار
كتلوك وانت الكت أسد غاب الضريمة الفوقو أطول ساق كتلوك وانت الفينا عكام الهوايل للبعيد لحاق
غيم الحروف نفل فروض عادة هطولو علي الارض سقا الشقوق بي بحتك رقصت رزازات الامل في وش سباليق الغنا ونقط تطق طق طق تطق لي بور معاق
لسانا نقتات بي وفاك نورة وبنار المجدلية بنصطفيك
دسيت وصايات الوطن لي طيبة كان يوم تلتقيك
في بوح حواديس الملام
في نقطة النون والسلام
في طلقة فرتقت الحمام
في لمة لملمت المجانين المعاقين اللئام
دسيت حديسك غرة في غار الغنا الأشتر شرطت الشولة شيب القول شربت العز شمخت همام وسافرت
ملخت جوانا الحواس
وصلت صبر الزلة لي خط التماس
ومرقت مننا كت نبي خليت رسالتك فينا أمنت الوطن باقي الدميعات بقجة ديوانين شعر شوال من القول والحماس
ووطنك ولا حررك ضراع أحلامو لي الحرية خيت
مجلود عساكر واحترام ما لاقي شان يتاوا بيت
خمخم مسادير الحنين تورت عناقر تهرشو وتشرب نواقع دمو تجبرو يستميت
صاح يستميت
كان يستميت في كهفو يتحاوا الضلام
يبطشبو افواج الوطاويط يلتمس من ضو سواد الدهشة ادغال الكلام
وانا قدرة الشوق حيل ملاواة الغياب عن حلمي طمست المعالم في بكاي خلتني امرق لي القبور واتسللك من بين مناظير الشفوت بتسللك من بين مروقك لي الدخول بتخللك
انك كما سيرة علاقة الموية بي بت السرابة الفكفكت في العتمة باقي ضفيرة دساها الخجل
إنك مقدم لي اشارات الحدود رحم الفواصل ومستلذ بالخوف مرصرص في الرفوف باقي الدموع وحكاكه من همك فضل
هدام حواف سورك منصبه بينا والحريه والنار والامل
لايحتمل
انك تسافر في الرؤى وتسلخ عقاب شيط الشعور تتمطا في خيل السبل
دنقدنا ضوك للصباح مرق الدغش قربانو ممدود لي هبل
ماليني بيك والفاضي من دنك مستفو زاد علي رزمه غناوي وشيل سفر
شهلتك الروح والنفس فاصلت بيك حس التشاؤم يوم نفضت جراب قصيدي قصاد شذاك حييت مسام وجناتك الغزن كويعات الضحك في خدك الدابغو المطر
ياخ اكتب اسمك فينا بي حجم الخطر
خطط متاوقة الشعور لي الشارع الوسطاني فيك
الشارع الخاتف زمان حوت موسى لابد يخطفك رغم انو محجوز بين نبضنا ونبضك الشوك والعليك
وانا والغنيوات البضفرو فيك سواعد الزيف مرقنا نجرتقك منك وصوت دلوكه من رحم الهتاف تسقط عمامات النظام
تسقط كدايس الحله لو فيران سميات الفريق باسو البيوت ياخ عدمونا الريق طلع آخر شحيح من دنك المالي الفضى لي غول منصب فينا بي حد الحسام
بالخوف نقدم روسنا بي كل احترام
سير يا ملك قهرا بنهتف يا سلام
شفت الديار اتيتمت بي وراك كيف
نسم الحنان الفي طنابيرك ملوهو الخونه صيف
لا شاي بيعدل ضل مزاجنا ضهبنا ذاتو نسينا اصلا كان في كيف
قوم من رقادك ليله بس وضاحه راجياك بي الربيت
ختالك الشاي في التريميس المضفر بالجريد وانا والرفيق باكين حروفك بي القصيد
سلم مفادك للوطن رصرص مداميكك نشيد
وطن انتكا
فوقو الهتافات ما بكا
قطعولو باقي صوابع الاحساس مؤكد ما شكا
فيهو العرس بي هجتو عامل كما بيت البكا